Nova colección Xestas en Tonis

En plena primavera e cos nosos montes coloreados de xestas, Tonis convírtese no punto exclusivo de ventas da marca local XESTAS.

Dende o mes de abril podedes atopar a colección de Xestas en Verín, un revulsivo para a miña tenda xa que sempre foi referente en moda clásica par home, e agora tamén podedes atopar unha marca innovadora e local.

Os deseños propios de Xestas e a alta calidade dos tecidos que utilizan en camisetas, sudaderas e gorras, xa están converténdose na tendencia entre a mocidade de Verín.

Todo comezou cando coñecín a Rosa e Óscar, orixinarios de Barcelona e Andorra que abriron o seu taller de estampación no precioso pobo das Chás (Oímbra). Un proxecto empresarial e vital no que fusionan a inspiración urbana e rebelde dos seus deseños co amor pola vida auténtica que atoparon no rural.

Como sabedes, sempre aposto por marcas españolas, así que o encontro entre Tonis e Xestas foi o detonante perfecto para incluír a liña xoven a miña tenda.

Estou segura de que vos encantará, e moi pronto haberá novidades xesteiras!

Espérovos na tenda da Rúa Cancelón, 1, en Verín!

Dejar un comentario

Tu dirección de correo electrónico no será publicada. Los campos obligatorios están marcados con *